छत्तीसगढ़िया क्रान्ति सेना चलावत हे, मतदाता जागरूकता अभियान।

धमतरी :- संगवारी हो ऐसो विधानसभा चुनई होना हे जेकर बर मतदाता सूची मा नाम जोड़े, मृतक मन के नाम कटवाए, के बूता गांव-शहर म स्कूल के मतदान केंद्र मन मा होवत हे एकरे ले जुड़े एक आवश्यक सूचना छत्तीसगढ़िया क्रान्ति सेना आप संग सझा करत हे आप मन ल मतदाता सूची मा अपन घर के युवा लइका जेकर उम्र 18 साल या 18 साल ले ज्यादा हे वोखर नाव अऊ अपन घर म आए नवा बहू के नाव मतदाता सूची मा जुड़वाना हे, संगे संग मतदाता सूची म अपन नाम अभी हे कि नही हे यहु ला सुनिश्चित करना हे, मतदाता सूची में अपन नाव के आसपास देखहु कोन्हो अपरिचित या बाहरी व्यक्ति के नाम तो नहीं जुड़े हे, अगर एईसे अंदेशा होवत हे कि कोन्हो बाहरी व्यक्ति के नाम जुड़े हे तब वोला संज्ञान म लेके पूछताछ करके तत्काल वो नाव ला कटवावव । गैर छत्तीसगढ़िया मन के सबले बड़े हथियार मतदाता सूची हे जेमा खेल करके उन कई वोट के अफरा तफरी करथे । सब्बो छत्तीसगढ़िया मन ल मिल के ये खेल ल फेल करना हे, मतदाता सूची अपडेट करे के बूता 31 अगस्त तक चलही त आप जम्मो छत्तीसगढ़िया ले निवेदन हे, बताए जानकारी ला मतदाता सूची म तत्काल सुनिश्चित करलेवव।

धन्यवाद
जोहार छत्तीसगढ़
जात पात के करव बिदाई…
छत्तीसगढ़िया क्रान्ति सेना